contrast1.jpgcontrast2.jpg
Уроки по Joomla можно найти здесь: http://joomla25.ru/
Шаблоны Joomla 2.5 здесь: http://joomla25.ru/shablony/

Новости

Кыраайы уөрэтэр ааҕыылар

         Сунтаар нэҺилиэгин олохтоох дьаҺалтатын уурааҕынан 2015 сыл Сунтаарбыт нэҺилиэгэр Тыа хаҺаайыстыбатын сылынан биллэриллибитэ. Ол чэрчитинэн, сэтинньи 20 күнүгэр улуустааҕы киин библиотекаҕа II кыраайы үөрэтэр ааҕыылар буоллулар.

         Нэһилиэк урукку, билиҥҥи историятын үөрэтэр, чинчийэр  сүркэн суолталааҕын  бэлиэтээн туран, ааҕыылары киирии тылынан улуустааҕы кииннэммит библиотечнай ситим директора Иванова Т.Н. аста, кыттааччыларга ситиһиилэри баҕарда.

     II кыраайы үөрэтэр ааҕыылар Сунтаар нэһилиэгэр билигин уонна урут үлэлээбит тыа хаһаайыстыбатын тэрилтэлэрин, тыа хаһаайыстыбатын араас салааларын төһүү үлэһит дьоннорун тустарынан матырыйаал хомуйар сыаллаах тэрилиннэ. Ааҕыыга барыта 9 киһи үлэтэ киирдэ.  Аммосова В. П. «Үлэнэн утумнанан», Петров В. Г. «Дорбой» оҕуруот аһыгар уонна хортуоппуйга идэтийбит биригээдэтин үлэтин туһунан», Иванова С. Д. «Им Иван Александрович», Лукина И.Н. «Ахтан-санаан аастахха», Тихонова Т.Д. «ООО «Табага» как один из крупных перерабатывающих предприятий Сунтарского улуса», Филиппов С. М. «Дорбой» оҕуруот аһын үүннэрээччилэрэ», Акимов М. А. «Сунтаар нэһилиэгэр уларытан тэриллибит уонна ууратыллыбыт тыа хаһаайыстыбатын тэрилтэлэрэ» диэн темаларынан чинчийбит, суруйбут улэлэрин көмускээтилэр. Оттон Попов А. Н. «Лоҥкур», Федорова Р. М. «Профсоюз суолтата улахан» үлэлэрэ кэтэхтэн сыаналаннылар.  Үлэлэри сыаналааһыҥҥа экспертэринэн педагогическай үлэ ветерана Мекумянов Ю.В., улуус дьаһалтатыттан  Иванова Т. И., «РИнфо” методическай киинтэн Егорова Н.А., улуустааҕы киин библиотекаттан Спиридонова С.Ф. үлэлээтилэр. Түмүккэ, кыайыылаахтарынан бастакы секцияҕа Филиппов Семен Максимович, иккискэ Акимов Михаил Афанасьевич, үһүскэ Лукина Ирина Николаевна буоллулар. Владимир Гаврильевич, Семен Максимович, Михаил Афанасьевич былырыыҥҥы бастакы ааҕыыларга эмиэ кыттыбыттара, кинилэр киин библиотека бастыҥ ааҕааччылара,  ыытыллар тэрээһиннэр мэлдьи кытталлар. Эдэр ыччакка холобур буолар, олоххо кыахтаах аҕа саастаах ааҕааччыларбытыгар истиҥ махталбытын биллэрэбит.

0090009201270077

      Кыттааччылар инникитин улуус историятын барытын хабан, ааҕыылар темаларын кэҥэтэргэ этии киллэрдилэр. Ааҕыылары иилээн-саҕалаан ыытта Поскачина М.С.,  ааҕар саала библиотекара.

 

 

 

 

Спиридонова С.Ф., улуустааҕы киин библиотека методиһа

Сунтарская районная библиотека