contrast2.jpgcontrast1.jpg
Уроки по Joomla можно найти здесь: http://joomla25.ru/
Шаблоны Joomla 2.5 здесь: http://joomla25.ru/shablony/

Новости

«Даниловскай ааҕыылар» улуустааҕы научнай-практическай конференция

               Сунтаар улууһа  айар-тутар, талааннаах дьоннорунан биллэр. Ол курдук, быйыл биир дойдулаахпыт, прозаик, очеркист, публицист, ССРС суруйааччыларын Союһун чилиэнэ, кыраайы үөрэтээччи  Иван Кононович Данилов төрөөбүтэ 100 сылыгар аналлаах  кииннэммит библиотечнай ситим көҕүлээһининэн нэһилиэктэргэ библиотечнай уруоктар, информация күннэрэ, тэрээһиннэр былаан быһыытынан буола тураллар.

        Кулун тутар 11 күнүгэр, суруйааччы дойдутугар,  Хадаҥҥа  «Даниловскай ааҕыылар» улуустааҕы  научнай-практическай конференция үрдүк таһымнаахтык буолан ааста. Конференцияны Хадан нэһилиэгин дьаһалтата,  И.К.Данилов аатынан Хадан библиотеката, Г.Т.Семенов аатынан Хадан орто сокуолата, «Оһуохай» култуура киинэ, Сунтаардааҕы кииннэммит библиотечнай ситим, Оҕо дьоҕурун сайыннарар киин тэрийдилэр. Сүрүн соруктарынан  суруйааччы олоҕун, айар үлэтин үөрэтии, чинчийии,  төрөөбүт дойдуну ытыктааһын, патриотическай өйү-санааны иҥэрии, дойду историятын үөрэтии, чинчийии буоллулар.      

         НПК үөрүүлээх аһыллыытыгар Хадан нэһилиэгин баһылыга А.С.Павлова, Сунтаар улууһун баһылын солбуйааччы У.Д.Попова, улуустааҕы  култуура уонна духуобунай сайдыы управлениетыттан С.В.Конобулова, библиотечнай ситим директора Т.Н.Иванова эҕэрдэ тыллары этэн туран, махтал суруктары туттардылар. Тэрээһини Хадан талааннаах кэнчээри ыччата ырыанан, үҥкүүнэн киэргэттилэр, дьон болҕомтотун, сэҥээриитин ыллылар. Суруйааччы хаан-уруу аймахтарын аатыттан сиэн балта Людмила Федотова тэрийээччилэргэ убайын сырдык аатын үйэтитэр үлэҕэ улахан болҕомтолорун уурбуттарын,  сыралаах үлэ ыыппыттарын  тоһоҕолоон бэлиэтээтэ, махтанна.  Хос сиэн балта,  лицей учуутала А.Г.Федотова Хадан оскуолатын  үөрэххэ, спортка ситиһиилэрдээх бастыҥ  үөрэнээччилэригэр И.К.Данилов халыҥ аймахтарын аатыттан грант туттарда.

 Барыта 4 секцияҕа: «И.К.Данилов олоҕо, айар үлэтэ» уонна «Хадан сириттэн төрүттээх культура, наука, экономика, тыа хаһаайыстыбата уо.д.а. эйгэлэргэ үлэлээбит уонна үлэлии сылдьар биллиилээх дьон» - 6, «Төрөөбүт дойду историята» - 9, «Сунтаар» кинигэ билиҥҥи ааҕааччы хараҕынан» -7 дакылаат, ону таһынан «Мин төрөөбүт дойдум», хоһоон ааҕыытын күрэҕэр,   29 оҕо уонна улахан дьон  Сунтаартан, Маар-Күөлтэн, Кэппэндээйиттэн, Тойбохойтон, Күндэйэттэн, Илимнииртэн, Хадантан  кыттыыны ыллылар.

Бары кыттааччылар күүскэ бэлэмнэммиттэрин, араас литератураны туһаммыттарын көрдөрдүлэр,  дьүүллүүр сүбэ  ыйытыыларыгар хоруйдаатылар. Конференция түмүгүнэн, «И.К.Данилов олоҕо, айар үлэтэ» секцияҕа улахан дьоҥҥо: I миэстэ - Птицына З.И. (Сунтаар), II миэстэ - Архипова Л.А. (Хадан), III миэстэ -Егорова В.Н. (Илимниир); «Хадан сириттэн төрүттээх культура, наука, экономика, тыа хаһаайыстыбата уо.д.а. эйгэлэргэ үлэлээбит уонна үлэлии сылдьар биллиилээх дьон» секцияҕа оҕолорго I миэстэни  Иванов Добун (Сунтаар,  лицей), II миэстэ - Васильева Динара   (Хадан оск.), III миэстэ - Макарова Ася (Күндэйэ оск.), ыллылар. «Төрөөбүт дойду историята» секцияҕа улахан дьоҥҥо I миэстэ - Прокопьева А.А. (Сунтаар),  II миэстэ - Местникова Т.И.(Кэппэндээйи), III миэстэ - Фокинова Т.А.(Сунтаар); «Сунтаар» кинигэ билиҥҥи ааҕааччы хараҕынан» секцияҕа  улахан дьоҥҥо: I миэстэ - Григорьева И.Н. (Хадан), II миэстэ - Кузьмина Е.В. (Күндэйэ), III миэстэ -Васильева Е.В., Винокурова С.Е., Потапова Н.Е. коллективнай үлэлэрэ (Тойбохой), оҕолорго: I миэстэ -Трофимова А., Прокопьева Н. (Кэппэндээйи оск.), II миэстэ - Павлов Б. (Хадан оск.), Антонова Д. (Сунтаар 1-кы №-дээх оск.); «Мин төрөөбүт дойдум» - хоһоон ааҕыытын күрэҕэр улахан дьоҥҥо: I миэстэ - Львова Л.С. (Күндэйэ), II миэстэ - Егорова В.Н. (Илимниир), III миэстэ - Кузьмина Е.В. (Күндэйэ), 6-8 кыл. оҕолоругар: I миэстэ - Игнатьева С., Семенова Л.(лицей, Сунтаар), II миэстэ - Зырянов Э.(Сунтаар, лицей), III миэстэ -Николаева Д.(Күндэйэ), 9-11 кыл.: I миэстэ - Иванова Н.(Сунтаар, лицей), II миэстэ - Петрова К.(Маар-Күөл оск.), III миэстэ - Анисимова А. (Күндэйэ оск.) ыллылар, грамотанан уонна сэмэй бэлэхтэринэн  наҕараадаланнылар.

  Түмүккэ кыттааччылар И.К.Данилов сырдык аатын, айар үлэтин киэҥ эйгэҕэ таһаарыынан утумнаахтык дьарыктанарга диэн баҕа  санааларын эттилэр.

20160311 20160311 122120160311 1223520160311 105643120160311 1242591

 

 

Сунтаардааҕы кииннэммит библиотечнай ситим методиһа   А.Портнягина


Сунтарская районная библиотека